IniciosociedadeA Diócese Mondoñedo-Ferrol presenta un protocolo de prevención contra abusos sexuais a...

A Diócese Mondoñedo-Ferrol presenta un protocolo de prevención contra abusos sexuais a menores e persoas vulnerables

Nun comunicado remitido aos medios, a diocese explica que o documento responde os criterios e normas establecidas polo papa Francisco e vén complementar outros protocolos en vigor para a prevención, detección, denuncia e actuación ante este tipo de malos tratos infantís publicados en diversas institucións civís e relixiosas.

Publicada o

- Advertisement -

A Diocese de Mondoñedo-Ferrol fixo público este xoves un protocolo de prevención fronte a abusos sexuais a menores e persoas vulnerables na diocese de Mondoñedo-Ferrol.

Nun comunicado remitido aos medios, a diocese explica que o documento responde os criterios e normas establecidas polo papa Francisco e vén complementar outros protocolos en vigor para a prevención, detección, denuncia e actuación ante este tipo de malos tratos infantís publicados en diversas institucións civís e relixiosas.

Así mesmo, sinala que o documento foi adaptado á realidade diocesana e nace da conveniencia de proporcionar unha guía sinxela e clara para que os responsables de parroquias, grupos pastorais, centros de formación, institucións e persoas que traballan no ámbito educativo e na pastoral con menores e adolescentes dispoñan duns criterios orientadores e uns procedementos de actuación ante posibles casos de abuso sexual a menores.

Deste xeito, a súa finalidade está centrada en axudar aos sacerdotes e axentes de pastoral para que coñezan como deben actuar ante posibles casos de abuso sexual que poidan darse nas parroquias, centros de formación, institucións e demais ámbitos da pastoral diocesana nos que se traballa na educación dos menores ou con adultos vulnerables.

O documento, sinala o comunicado, foi aprobado para uso interno no territorio da diocese por decreto do bispo Fernando García Cadiñanos, previa consulta co consello episcopal e a Comisión Protexe, por un período de tres anos. Ademais, permanecerá aberto á incorporación da nova lexislación e normativa xurídica civil e eclesiástica que durante este período puidese publicarse sobre a materia.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...